UMPASA BATAK SIMALUNGUN

Berkat / Pasu pasu, saat memberikan persembahan makanan kepada saudara / tamu.

Riang - riang bulung motung
Rap-rap bulung hoppawa
Hinariah hinabosur
Asal rup hita tartawa


Bagod na madungdung
Pilo pilo na jagar
Salosei ma nalungun
Roh ma na jagar

Habang ma ampul ampul
Hu atasni tarbangun
On ma indahan apul apul
Sai ulang be malungun

Boras ni par sinaman
Isuhat bani tapogan
Horas ma nasiam namangan
Horas homa na nidapotan

Umpasa ase Marhasadaon / Marsihaholongan (Agar saling mengasihi)

Hodongni birah do
Rokkat ni bagod
Dosni uhur do
Sibahen na saud

Ipongkah buluh balangkei
Sigeini bagod puli
Pinungkahni oppungta na parlobei
Ihutkononni na parpudi

Nisuan sanggei sanggei
I buttuni luhutan
Nasiam ma gabei
Anggo marsipaihut ihutan

Sin Raya sini Purba
Sin Dolog sini Panei
Manlangkah pe lang mahua
Asalma marholong ni atei

Umpasa secara Umum

Talun ni Purba saribu
Tubuhan hare hare
Hata podah hata pasu pasu
Sai ulang muba sai ulang mosei

Boras san supak
Boras san nangging
Horas ma nasiam na mulak
Horas homa hanami na tading

Timbahouni si morbou
Ulung magou san rihat
Age lingod panonggor
Ulang magou pardingat

Andor hadungka
Togu toguni lombu
Sai sayur matua
Ronsi patogu togu pahompu

Asarni poldong poldong
I buntu ni tapian
Mamasu masu ma hanami tondong
Sai roh ma parsaulian

Asarni hati nong nong
I buntu ni tapian
Anggo mamasu masuma tondong
Lambin tambahma pansarian
http://www.blogcatalog.com/blog/adat-istiadat-pernikahan-batak-di-sumatra/174e5bbe17b8eafa3f983d067b6653f9

Tidak ada komentar:

Posting Komentar

 
Copyright © hotmutiara Blogger Theme by BloggerThemes & newwpthemes Sponsored by Internet Entrepreneur